முன்னணி டயர் உற்பத்தி நிறுவனமான சியட், ஸ்டீல் ரேடியல் டயர்களின் ஒரு புதிய வகையான ஸ்போர்ட்ரேட் மற்றும் கிராஸ்ரேட் மூலம் அதன் இரு சக்கர டயர் வரம்பின் செயல்திறனை ஒரு உயர் மட்டத்திற்கு கொண்டு சென்றுள்ளது. உயர் செயல்திறன் கொண்ட மோட்டார் சைக்கிள்களின் முழுத் திறனையும் வெளிக்கொணரும் வகையில் இந்த பிரீமியம் வரம்பிலான ஸ்டீல் ரேடியல் டயர்கள் சிறப்பாக வடிவமைக்கப்பட்டுள்ளன. இந்த ஸ்போர்ட்ரேட் வரிசை அதிக வேகம் மற்றும் திருப்பத்திற்காக வடிவமைக்கப்பட்டுள்ளது; கிராஸ்ரேட் பல நிலப்பரப்பு உயர் பிடிப்பு கொண்ட டயர் ஆகும். ஸ்டீல்ரேட் டயர்கள் அதிவேகத்தில் சிறந்த கட்டுப்பாட்டை வழங்குகின்ற எஃகு-பெல்ட் ரேடியல் கட்டுமானத்தைக் கொண்டுள்ளன.
கிராஸ்ராட் வரிசை யமஹா எஃப் இஸட் சீரிஸ் மற்றும் சுஸுகி ஜிக்ஸர் சீரிஸ் போன்ற மோட்டார்சைக்கிள்களுடன் இணக்கமானது மற்றும் டயர்களின் தொகுப்பின் விலை ரூபாய்: 4,300.ஸ்போர்ட்ஸ்ராட் வரிசை கேடிஎம் ஆர்சி 390, டியூக் 390 பஜாஜ் டோமினர் 400, டிவிஎஸ் அப்பாச்சி ஆர்ஆர் 310 போன்ற உயர் செயல்திறன் கொண்ட மோட்டார்சைக்கிள்களுடன் இணக்கமானது மற்றும் டயர்களின் தொகுப்பின் விலை ரூபாய்: 12,500 ஆகும்.
இந்த ஸ்போர்ட்ரேட் இயங்குதளமானது, மேம்படுத்தப்பட்ட திருப்புதலின் நிலைத்தன்மைக்காக எகுய்டிஸ்டான்ட் மிட்க்ரவுன் க்ரூவ்ஸ் மற்றும் விறைப்புத்தன்மையின் சரியான சமநிலைக்கு சிலிக்கா-கலந்த டிரெட் கலவை ஆகியவற்றைக் கொண்டுள்ளது.
இந்த டயர்கள் எதிர்பார்ப்புகளை மிஞ்சும் ஸ்போர்ட்டியான செயல்திறனை வழங்குகின்றன. அதிகபட்ச சாய்வு கோணங்களுக்கான ஸ்லிக் ஷோல்டர்கள் , சிறந்த ஈரப்பிடிப்பு மற்றும் திருப்ப நிலைத்தன்மைக்கு உகந்த க்ரூவ் வடிவமைப்பு மற்றும் மணிக்கு 270 கிமீ வரை வேகங்களில் ஸ்திரத்தன்மைக்காக கிரௌன் இல் அதிகபட்ச வழுவழுப்பு பகுதி போன்ற மேம்பட்ட அம்சங்களை உள்ளடக்கி, ஸ்போர்ட்ரேட் வரிசை ஒரு இணையற்ற சவாரி அனுபவத்தை உறுதி செய்கிறது. இந்த கிராஸ்ரேட் இயங்குதளமானது, ஒரு சமச்சீரற்ற பிளாக் டிரெட் டிசைன் மற்றும் சரளை / மண் மற்றும் பிற சாலைக்கு வெளியே உள்ள நிலப்பரப்புகளில் சிறந்த பிடியை வழங்கும் டயரின் சுற்றளவுக்கு குறுக்குவெட்டு பள்ளங்கள் ஆகியவற்றைக் கொண்டுள்ளது.
கூடுதலாக, ஒன்றோடொன்று இணைக்கப்பட்ட இந்த ஷோல்டர் தொகுதிகள் மேம்படுத்தப்பட்ட திருப்ப பிடிப்புக்கு ஒரு பரந்த தொடர்பு பகுதியை வழங்குகின்றன. தனித்துவமாக வடிவமைக்கப்பட்ட மையத் தொகுதிகள் மற்றும் ஸ்டீல்-பெல்ட் ரேடியல் கட்டுமானத்துடன், இந்த கிராஸ்ரேட் வரிசை சாலைக்கு புறம்பான பகுதிகளில் வாகனம் ஓட்டும் ஆர்வலர்களுக்கு மிகச் சிறந்த கட்டுப்பாட்டு அனுபவத்தை வழங்குகிறது.
சியட்- -ன் நிர்வாக இயக்குநர் மற்றும் தலைமை செயல் அதிகாரி அர்னாப் பானர்ஜி கூறுகையில் , “ஸ்டீல் ரேட் வரிசை புதுமை மற்றும் தரத்திற்கான சியட் -ன் அர்ப்பணிப்புக்கு ஒரு சான்றாக இருக்கிறது. செயல்திறனுக்கான ஆர்வத்துடன் அதிநவீன தொழில்நுட்பத்தை இணைக்கும் மோட்டார் சைக்கிள் டயர்களின் புதிய சகாப்தத்தை, ஸ்டீல் ரேட் சீரிஸ் மூலம் அறிமுகப்படுத்துகிறோம். அதிக செயல்திறன் கொண்ட பைக்குகளைக் கொண்ட ரைடர்களின் தனிப்பட்ட தேவைகளை நாங்கள் புரிந்துகொள்கிறோம், மேலும் இந்த டயர்கள் அவர்களின் எதிர்பார்ப்புகளை பூர்த்தி செய்யும் மற்றும் அதை விஞ்சும் வகையில் வடிவமைக்கப்பட்டுள்ளன. அதிகபட்ச சாய்வு கோணங்கள் முதல் அதிவேக நிலைத்தன்மை வரை, சவாரி அனுபவத்தை மேம்படுத்தும் வகையில் ஒவ்வொரு அம்சமும் மிக நுணுக்கமாக வடிவமைக்கப்பட்டுள்ளது.”என்று கூறினார்.
