இந்துஸ்தான் கலை மற்றும் அறிவியல் கல்லூரியின் சமூக பணி, ஆராய்ச்சித் துறை மற்றும் சமூகப் பணிக் கல்வியாளர்களுக்கான சமூகப் பாதுகாப்புச் சிக்கல்கள் என்ற தலைப்பில் மூன்று நாள் மண்டல அளவிலான பயிற்சித் திட்டத்தை மத்திய சமூகப் பாதுகாப்பு நிறுவனம், சமூக நீதி மற்றும் அதிகாரமளித்தல் அமைச்சகத்துடன் இணைந்து, 1.3.2022 முதல் 3.3.2022 வரை ஏற்பாடு செய்தது.
தொடக்க அமர்வான இன்று, இந்துஸ்தான் கலை மற்றும் அறிவியல் கல்லூரியில் நடைபெற்றது. இந்துஸ்தான் கலை மற்றும் அறிவியல் கல்லூரி முதல்வர் பொன்னுசாமிவரவேற்புரை வழங்கினார். இந்துஸ்தான் கல்வி மற்றும் அறக்கட்டளை நிர்வாக அறங்காவலர் சரசுவதி கண்ணையன் தலைமை வகித்து பேசினார். தொடக்க விழாவிற்கு சிறப்பு விருந்தினராக கோவை மாவட்ட காவல் துணைக் கண்காணிப்பாளர் முத்துசாமி கலந்துகொண்டார். சமூக பணியில் பட்டம் பெற்ற இவர் சமூகப் பிரச்சனைகளைத் தணிப்பதில் தொழில்முறை சமூகப் பணியாளர்கள் ஆற்றிய முக்கியப் பங்கை எடுத்துரைத்தார். வளரும் சமூகப் பணி மாணவர்களை யுபிஎஸ்சி தேர்வுகளில் கலந்துகொள்வதற்கும், கொள்கை உருவாக்கும் அளவில் மாற்றங்களைக் கொண்டு வருவதற்கும் அதிக உயரங்களை அடையுமாறு அவர் ஊக்குவித்தார். ரூட்ஸ் இண்டஸ்ட்ரீஸ் இந்தியா லிமிடெட் கவிதாசன் கலந்துகொண்டு சிறப்புரையாற்றினார்.