பஜாஜ் ஆட்டோ நிறுவனம் தனது என்எஸ் சீரிசில் குறைந்த விலை மோட்டார்சைக்கிளை இந்திய சந்தையில் அறிமுகம் செய்து இருக்கிறது. பஜாஜ் என்எஸ் சிரிஸில் இதுவரை 160 மற்றும் 200 சிசி பைக்குகள் இருந்தது, இதனுடன் தற்போது 125சிசி-யையும் அறிமுகம் செய்துள்ளது. இதன் விலை ரூ.93,690, எக்ஸ்-ஷோரூம் என நிர்ணயம் செய்யப்பட்டு உள்ளது.
புதிய என்எஸ்125 மாடலில் 12 லிட்டர் பியூவல் டேன்க், ட்வின் எல்இடி டெயில் லேம்ப்கள், ஸ்போர்ட் அம்சங்களுக்கு ஏற்ற வடிவமைப்பு கொண்டிருக்கிறது. 124சிசி, ஏர்-கூல்டு என்ஜின் வழங்கப்பட்டு இருக்கிறது. இத்துடன் 5 ஸ்பீடு கியர்பாக்ஸ் கொண்டிருக்கிறது. இந்த என்ஜின் 12 பிஹெச்பி பவர், 11 என்எம் டார்க் செயல்திறன் வழங்குகிறது. இது 144 கிலோ எடை கொண்டுள்ளது. பஜாஜ் என்எஸ்125 மாடல் – பியெரி ஆரஞ்சு, பீச் புளூ, பர்ன்ட் ரெட் மற்றும் பியூட்டர் கிரே என நான்கு நிறங்களில் கிடைக்கிறது. பேட்ஜிங் மற்றும் புதிய புளூ நிறம், அலாய் வீல்களில் மெட்டாலிக் கிரே நிறம் தவிர புது மாடலில் வேறு எந்த மாற்றமும் மேற்கொள்ளப்படவில்லை.