தாய்ப்பாலின் அவசியத்தை வலியுறுத்தும் விதமாக ஆகஸ்ட் முதல் வாரத்தில் தாய்ப்பால் தினம் கொண்டாட ஐக்கிய நாடு குழந்தைகள் பாதுகாப்பு அமைப்பு அறிமுகப்படுத்தியது.
இதையொட்டி தமிழகம் முழுவதும் பல்வேறு விழிப்புணர்வு நிகழ்ச்சிகள் நடைபெற்று வருகின்றன.இதன் ஒரு பகுதியாக இன்னர் வீல் ஆப் கோயமுத்தூர் சார்பாக தாய்ப்பாலின் அவசியம் குறித்த தாய் சேய் ஆரோக்கியம் எனும் குறிப்பேடு வெளியிடப்பட்டது.
இன்னர் வீல் கிளப்புடன் இணைந்து ஸ்மார்ட் சிட்டி ரோட்டரி சங்கம், லேடிஸ் சர்க்கிள், ரோட்டரி டெக்சிட்டி உறுப்பினர்கள் கலந்து கொண்ட இதில் கோவையில் உள்ள பல்வேறு சுகாதார நிலையங்களுக்கு வரும் தாய்மார்களுக்கு ராகி மாவு, ஜவ்வரிசி, சோயா, வேர்க்கடலை, ஹார்லிக்ஸ் உட்பட தாய்ப்பாலை அதிகரிப்பதற்கு என தாய்மார்களுக்கு சத்துப் பொருட்கள் வழங்கப்பட்டன.
இன்னர் வீல் கிளப் ஆப் கோயமுத்தூர் கிளப்பின் நிர்வாகிகள் பலர் கலந்து கொண்டனர். தொடர்ந்து தாய்ப்பாலின் அவசியம் குறித்த விழிப்புணர்வு குறித்த வீடியோவை வெளியிட்டு பேசிய மருத்துவர் லட்சுமி சாந்தி தற்போது தாய்ப்பால் கொடுக்கும் தாய்மார்கள் குறைந்து வருவதாகவும் எனவே தாய்ப்பாலின் அவசியம் குறித்த விழிப்புணர்வை தாய்மார்கள் தெரிந்து கொள்ள வேண்டும் என தெரிவித்தார்.