சிங்கப்பூர் ஏர்லைன்ஸ் இன் குறைந்த கட்டண துணை நிறுவனமான ஸ்கூட், ஜூன் 20ஆம் தேதி செவ்வாய்க்கிழமை பாரிஸ் விமான கண்காட்சியில் நடைபெற்ற ஸ்கைட்ராக்ஸ் வேர்ல்ட் ஏர்லைன் விருதுகள் 2023 – இல் தொடர்ந்து மூன்றாவது ஆண்டாக “சிறந்த குறைந்த கட்டண நீண்ட தூர விமான நிறுவனம்” என்ற பட்டத்தை பெற்றுள்ளது.
இதுகுறித்து ஸ்கூட் நிறுவனத்தின் தலைமை நிர்வாக அதிகாரி, லெஸ்லி த்ங் கூறியதாவது,
“ஸ்கைட்ராக்ஸ் ஆல் மீண்டும் ஒருமுறை அங்கீகரிக்கப்பட்டதில் நாங்கள் தாழ்மையுடன் இருக்கிறோம். இந்த விருது, எங்கள் வாடிக்கையாளர்களுக்கு தரமான சேவை, வேறுபட்ட திட்டங்கள், அதிநவீன அனுபவங்கள் மற்றும் சிறந்த மதிப்பு ஆகியவற்றை தொடர்ந்து வழங்குவதற்கான எங்கள் அர்ப்பணிப்புக்கான ஒரு சான்றாக இருக்கிறது.
ஒரு தடையற்ற வாடிக்கையாளர் பயணம் மற்றும் அனுபவத்தை வழங்க முன்னணியில் மட்டுமின்றி பின்புலத்திலும் ஒவ்வொரு நாளும் அயராது உழைக்கும் எங்கள் ஊழியர்களுக்கு இது ஒரு ஊக்கமாகவும் இருக்கும். முன்னோக்கிப் பார்க்கும்போது, தொழில்துறையில் மதிப்பு பயணத்தை மறுவரையறை செய்வதற்கும், குறைந்த கட்டண பயணத்திற்கான தரத்தை உயர்த்துவதற்கும் நாங்கள் தொடர்ந்து வழி வகுப்போம்.”என்று கூறினார்.
இந்நிகழ்வில், புகழ்பெற்ற Musée de l’Air et de l’Espace (ஏர் அண்ட் ஸ்பேஸ் மியூசியம்)இல் நடைபெற்ற ஸ்கைட்ராக்ஸ் இன் வேர்ல்ட் ஏர்லைன் விருதுகளின் 24வது பதிப்பில் உலகெங்கிலும் இருந்து சிறந்த விமான நிறுவனங்களின் பிரதிநிதிகள் கலந்து கொண்டனர். இந்த ஆண்டு, வேர்ல்ட் ஏர்லைன் விருதுகள் சர்வதேச தொற்று பரவலுக்குப் பிறகு முதல் முறையாக பாரிஸ் விமான கண்காட்சிக்கு திரும்பியது, மேலும் 80 க்கும் மேற்பட்ட விருதுகள் வழங்கப்பட்டன.