சங்கரா அறிவியல் மற்றும் வணிகவியல் கல்லூரி அண்மையில் “இண்டர்ஜில்லா 2023” என்ற துறைகளின் கலாச்சார விழாவை நடத்தியது.
இதில் ஃபைன் ஆர்ட்ஸ் கிளப்பில் குழு நடனம், தனி நடனம், குழு பாடல், சங்கரா சூப்பர் சிங்கர், 60 வினாடிகள் புகழ், பென்சில் ஓவியம், மைம் ஷோ, தீயில்லா சமையல், கழிவுகளிலிருந்து செல்வம், ரங்கோலி, மெஹந்தி மற்றும் புதையல் வேட்டை போன்ற 12 நிகழ்வுகள் ஏற்பாடு செய்யப்பட்டன. இப்போட்டியில் அனைத்துத் துறையைச் சேர்ந்த 400க்கும் மேற்பட்ட மாணவ, மாணவியர்கள் ஆர்வத்துடன் நிகழ்வுகளில் கலந்துகொண்டனர். போட்டிகளில் வெற்றி பெற்றவர்களுக்கு கல்லூரி முதல்வர் ராதிகா, துணை முதல்வர் பெர்னார்ட் எட்வர்ட் ஆகியோர் கேடயம் மற்றும் சான்றிதழ்களை வழங்கினார்கள். அதுமட்டுமின்றி போட்டிகளில் கலந்து கொண்ட அனைத்து மாணவர்களுக்கும் பங்கேற்பு சான்றிதழ் வழங்கப்பட்டது. மேலும் மாணவர்களை உற்சாகப்படுத்தும் வகையில் கேளிக்கை விளையாட்டுகள் மற்றும் அரங்குகள் வளாகத்தில் ஏற்பாடு செய்யப்பட்டிருந்தது.