கே.பி.ஆர் கலை அறிவியல் மற்றும் ஆராய்ச்சிக் கல்லூரியின், வணிகவியல் துறை ‘டிஜிட்டல் முறையில் வணிக பகுப்பாய்வு மற்றும் நுண்ணறிவு’ என்ற தலைப்பில் பன்னாட்டுக் கருத்தரங்கத்தை நடத்தியது.
வணிகவியல் துறை முதன்மையர் குமுதாதேவி வரவேற்புரை வழங்கினார். கல்லூரி முதல்வர் பாலுசாமி தலைமையுரை ஆற்றினார். கல்லூரி ஆலோசகரும் செயலாளருமான ராமச்சந்திரன் வாழ்த்துரை வழங்கினார்.
மலேசியாவின் சன்வே பல்கலைக்கழகம், வணிக மேலாண்மை துறையின் பேராசிரியர் லிம் வெங் மார்க், நிகழ்ச்சியைத் தொடங்கி வைத்து, கல்விப் பயணத்தில் பெற்ற நிபுணத்துவம் மற்றும் அறிவைப் பங்கேற்பாளர்களுக்கு பகிர்ந்து ஊக்கமளித்தார்.
பாண்டிச்சேரி மத்தியப் பல்கலைக்கழகத்தின் வங்கித் தொழில்நுட்பத் துறையின் தலைவர் சுடலை முத்து மற்றும் குஜராத், அதானி பல்கலைக்கழகம் தேர்வுக் கட்டுப்பாட்டாளர் ராகவேந்திரன், ஆகிய இருவரும், மாநாட்டில் இரண்டு தொழில்நுட்ப அமர்வுகளுக்கு சிறப்பு விருந்தினர்களாக பங்காற்றி வணிக பகுப்பாய்வு மற்றும் டிஜிட்டல் யுகத்தில் உளவுத்துறையின் பங்கு பற்றி விளக்கினர்.
சமூக அறிவாற்றல் திறன்கள் தனிநபர்கள் சவால்களை எதிர்கொள்ள டிஜிட்டல் உலகில் வாழ்க்கையின் தேவைகளுக்கு உதவும் என்று வலியுறுத்தியுள்ளனர்.
வெற்றியாளர்களுக்கு சிறப்பு விருந்தினர்கள் “சிறந்த ஆய்வு கட்டுரை விருது” வழங்கினர். மாநாட்டில் பங்கேற்ற அனைவருக்கும் சான்றிதழ்கள் வழங்கப்பட்டன. 25 கல்லூரி மற்றும் நிறுவனங்களைச் சேர்ந்த 557 பங்கேற்பாளர்கள் இதில் கலந்துகொண்டனர்.