கொரோனா வைரஸால் பூனைகள் மற்றும் நாய்கள் பாதிக்கப்படலாம் என்பதை ஒரு புதிய அறிவியல் அறிக்கை உறுதிப்படுத்துகிறது. ஆனால் இந்த இரு விலங்குகளும் வைரஸால் நோய்வாய்ப்பட வாய்ப்பில்லை. இருப்பினும், பூனைகள் ஒரு வலுவான, பாதுகாப்பான நோயெதிர்ப்பு சக்தியை உருவாக்குகின்றன என்பதை ஆராய்ச்சியாளர்கள் கண்டுபிடித்துள்ளனர். இந்த ஆராய்ச்சி மனிதர்களுக்கான தடுப்பூசிகளைப் கண்டறிய மதிப்புள்ளதாக அமைந்துள்ளது. மேலும், செல்லப்பிராணிகள் தங்களை வளர்க்கும் மனிதர்களுக்கு வைரஸை பரப்புகிறது என்பதற்கு இன்னும் எந்த ஆதாரமும் இல்லை.
இருப்பினும், கொரோனா தொற்று ஏற்பட்ட ஒரு பூனை வைரஸை வெளிப்படுத்துவதால் அது பிற பூனைகளை பாதிக்கிறது என ஆய்வுகள் தெரிவித்துள்ளன. இந்த புதிய ஆய்வில் கொரோனா பாதிக்கப்பட்ட நாய்கள் அவற்றின் மேல் சுவாசக் குழாய்களில் வைரஸை உருவாக்கவில்லை என்றும் வைரஸை வெளிப்படுத்தவில்லை என்றும் கண்டறியப்பட்டுள்ளது. இருப்பினும், வேறு சில ஆய்வுகள் வெவ்வேறு முடிவுகளைக் கண்டறிந்துள்ளன. அந்த, ஆய்வில் பூனைகளோ, நாய்களோ வைரஸால் நோய்வாய்ப்பட்டதாக காட்டவில்லை. கடந்த 6-ஆம் தேதி தேசிய அறிவியல் அகாடமி வெளியிட்ட அறிக்கையின் செயல்முறைகளில் குறிப்பிடப்பட்டிருப்பதாவது, செல்லப்பிராணிகள் ஏன் மனித நோய்த்தொற்றுக்கு ஒரு குறிப்பிடத்தக்க காரணமாக இல்லை என்பதை வலியுறுத்துவதற்கான ஆய்வாக அமைந்தது. ஏஞ்சலா எம்.போஸ்கோ-லாத், ஏர்ன் ஈ.ஹார்ட்விக், ஸ்டீபனி எம்.போர்ட்டர் மற்றும் கொலராடோ மாநில பல்கலைக்கழக கால்நடை மருத்துவம் மற்றும் உயிரியல் மருத்துவக் கல்லூரியின் பிற ஆராய்ச்சியாளர்கள் கூறியதாவது, உலகளவில் மில்லியன் கணக்கான மனிதர்கள் வைரஸால் பாதிக்கப்பட்டுள்ளனர். 1 மில்லியன் பேர் இறந்துவிட்டனர்.
ஆனால் இயற்கையாகவே பாதிக்கப்பட்டுள்ள செல்லப்பிராணிகள் ஒரு சில மட்டுமே என குறிப்பிட்டுள்ளனர். பூனைகள் வைரஸைக் வெளிப்படுத்தினால், அவை ஏன் மக்களை பாதிக்கவில்லை. காரணம் என்னவென்றால், வைரஸ் பாதித்த மனிதர்களின் எண்ணிக்கை மிகப் பெரியது. அவர்கள்தான் வைரஸை பூனைகளுக்கு கொடுக்கிறார்கள் என தெரிவித்துள்ளனர். மற்றொரு சாத்தியமான காரணம் என்னவென்றால், அன்றாட வாழ்க்கையில் தொற்று, ஆய்வகத்தில் ஏற்படும் தொற்றுநோயிலிருந்து மிகவும் வேறுபட்டது. இது தொடர்பான புதிய சோதனைப் பணியில், விஞ்ஞானிகள் பூனைகள் மற்றும் நாய்களின் நாசி துவாரங்களில் பைபட்டுகளை செருகி அவர்களுக்கு வைரஸைக் கொடுத்தனர். இந்த செயல்முறைக்கு முன்னர் விலங்குகள் மயக்க மருந்து பெற்றன. ஆனால் பெரும்பாலான வீடுகளில் இது நடக்காது என்பதுதான் முக்கியம். பின்னர், பிற பூனைகள் வைரஸ் பாதிக்கப்பட்ட பூனைகளுடன் தொடர்பு வைக்கும்படி செய்தனர். அதில், தொற்றுநோயால் பாதிக்கப்பட்ட பூனை, அதை மற்ற பூனைகளுக்கு பரப்புவது கண்டுபிடிக்கப்பட்டது. பூனைகள் வைரஸை வனவிலங்குகளுக்கும் அனுப்பக்கூடும். இது உண்மையான உலகில் நடக்கிறதா? சீனாவின் வுஹானில் தெரு பூனைகள் வைரஸ் பாதிப்புக்குள்ளானதற்கு சில சான்றுகள் உள்ளன. ஆனால் அமெரிக்காவில் பல பூனைகளை வீட்டுக்குள் வைத்திருப்பதால், பரவுதல் மிகக் குறைவு.
கொரோனா வைரஸ் மான், எலிகள் ஆகியவற்றை பாதிக்கக்கூடும் என்பதற்கு அதிகாரபூர்வமான ஆய்வுகள் வரவில்லை. இதையடுத்து, வைரஸின் செறிவூட்டப்பட்ட அளவுகளைக் கொண்ட ஆய்வகத்தில் கடக்கக்கூடிய நோய்த்தொற்றுக்கு மரபணு தடைகள் இருக்கலாம் என்று ஆராய்ச்சியாளர்கள் முடிவு செய்தனர். நோயெதிர்ப்பு சக்தியைக் காட்டிய பாதிக்கப்பட்ட பூனைகள் அனைத்தும் மற்ற பூனைகளுடனான தொடர்பால் பாதிக்கப்பட்டவை ஆகும். மேலும், பூனைகளின் நோயெதிர்ப்பு சக்தி மற்ற ஆய்வக விலங்குகளை விட வலுவானது என்று கண்டுபிடிக்கப்பட்டுள்ளது. இருப்பினும் அந்த பாதுகாப்பு எவ்வளவு காலம் நீடிக்கும் என்பது முற்றிலும் தெரியவில்லை.