பிரிட்டனின் மன்னர் சார்லஸ் III, குழந்தைப் பருவத்தில் வரைந்த அவரது பெற்றோரின் – ராணி இரண்டாம் எலிசபெத் மற்றும் இளவரசர் பிலிப் ஆகியோரின் ஓவியங்கள் வெள்ளிக்கிழமை இந்திய மதிப்பில் ரூபாய் 4,09,622 முதல் 8,19,245 வரை மதிப்பிடப்பட்ட விலை வரம்பிற்கு ஏலம் விடப்பட உள்ளன. இப்படங்களை யுனைடெட் கிங்டம் சார்ந்த ஹான்சன்ஸ் ஏலதாரர்கள் ” தம்பதியினரின் இனிமையான” வரைபடங்களை “அரச நினைவுச்சின்னங்களின் முக்கிய சேகரிப்பில் கண்டுபிடித்துள்ளனர்.
பிரமாண்டமான உடை அணிந்திருந்த தம்பதியினரின் க்ரேயன் மற்றும் பென்சில் உருவப்படங்கள். ராணி ஊதா நிற தலைப்பாகை, சிவப்பு காதணிகள் மற்றும் கைப்பையை அணிந்திருப்பதையும், இளவரசர் பிலிப் இரவு உணவு உடை மற்றும் வில் டை அணிந்திருப்பதையும் சித்தரிக்கிறது. ‘மம்மி’ மற்றும் ‘பாப்பா’ என்று பொறிக்கப்பட்ட ஓவியங்கள் இளம் சார்லஸால் “1953 – 1955 ஆம் ஆண்டில் அவருக்கு ஐந்து அல்லது ஆறு வயதாக இருந்தபோது வரையப்பட்டது” ஆகும்.
அவற்றைத் தவிர, அரச சேகரிப்பில் “ராஜாவின் 10 ஆரம்பகால வரைபடங்கள் மற்றும் அரச கடிதங்கள், குடும்ப புகைப்படங்கள், கிறிஸ்துமஸ் அட்டைகள் மற்றும் 1937 பக்கிங்ஹாம் அரண்மனை கையெழுத்துப் பிரதி மெனு டைரி ஆகியவையும் இவற்றில் அடங்கும்.
இப்படங்கள் அனைத்தும் 21 ஆண்டுகளாக நியூயார்க் டெய்லி நியூஸில் பிரிட்டிஷ் நிருபர், அரச கதைகளில் நிபுணத்துவம் பெற்ற எழுத்தாளர், பத்திரிக்கையாளர் மற்றும் முன்னாள் அரச நிருபர் ஹென்றி ராம்சே மௌல் ஆகியோரால் திரட்டப்பட்டதாகும்.
இளம் சார்லஸின் மற்ற ஆரம்பகால வரைபடங்கள் (அவற்றின் மதிப்பிடப்பட்ட விலை வரம்பு இந்திய மதிப்பில்) அடங்கும் – “ஒரு ஜோடி கார்மைன் தேனீ-உண்ணும் பறவைகள், கையொப்பமிடப்பட்ட ‘சார்லஸ்’,(1,63,849 – 3,27,698) ஹேப்பிபிரைட், மிஸ்டர் சார்லஸ் ஷாப், (1,63,849 – 2,45,773) எனக் குறிப்பிடும் ஹாரோட்டின் பாணியில் ஒரு டெலிவரி வேன்; ஒரு முயல், சுமார் 1953-1955 (81,924 – 1,22,886).மேலும், ஒரு ஆந்தை, மான் மற்றும் அணில்(1,63,849 – 245773). ஒரு பன்னியைக் கொண்ட ஈஸ்டர் அட்டை (81,924 – 1,63,849) ஆகும்.