இந்த ஆண்டுக்கான வாக்காளர் பட்டியல் திருத்தப் பணிகள் தொடங்க உள்ளன. இதற்காக, இன்று வரைவு வாக்களர் பட்டியல் வெளியிடப்பட்டது. கோவை மாவட்டத்தில் 10 தொகுதிகளுக்கான வரைவு வாக்காளர் பட்டியலை கோவை மாவட்ட ஆட்சியர் ஹரிஹரன் வெளியிட்டார். இந்த பட்டியலில் ஆண் வாக்காளர்கள் – 1405003 பேர், பெண் வாக்காளர்கள் – 1428218 பேர் மற்றும் மூன்றாம் பாலினத்தவர் – 288 பேர் என, மொத்தம் – 2833509 பேர் பட்டியலில் உள்ளனர். வெளியிடப்பட்ட வரைவு வாக்காளர் பட்டியல், பொதுமக்கள் பார்வைக்கு வைக்கப்படும். அந்தப் பட்டியலில் தங்களைப் பற்றிய விவரங்கள் சரியாக உள்ளதா இல்லையா, என்பதைப் பார்த்து சரிசெய்துகொள்ளலாம். அதுபோல, 2018-ம் ஆண்டு ஜனவரி மாதத்தோடு 18 வயது பூர்த்தி ஆகும் புதிய வாக்காளர்களும், தங்களது பெயரை சேர்த்துக்கொள்ள விண்ணப்பிக்கலாம். சிறப்பு சுருக்க திருத்தம் செய்யும் பணி 1.09.2018 முதல் 31.10.2018 வரை நடைபெற உள்ளது.
