கார்த்தி, நரேன், தீனா உள்ளிட்ட பலர் நடிப்பில் வெளியான கைதி திரைப்படத்தை லோகேஷ் கனகராஜ் இயக்கியிருந்தார். தமிழ், தெலுங்கு என இரண்டு மொழிகளில் உருவான இந்தப் படத்தை எஸ்.ஆர்.பிரபு தயாரித்திருந்தார். கைதி படத்துக்கு விமர்சன ரீதியாகவும், வசூல் ரீதியாகவும் நல்ல வரவேற்பு கிடைத்தது.
இந்தப் படத்தின் கதையம்சம், இசை, கார்த்தியின் நடிப்பு, சண்டைக் காட்சிகள் என அனைத்து அம்சங்களும் பாராட்டப்பட்டன. மேலும், இப்படத்தை இந்தியில் ரீமேக் செய்வதற்கான பணிகளும் நடைபெற்று வருகின்றன. இதில் அஜய் தேவ்கன் நடிக்கவுள்ளார். மேலும் கைதி படத்தின் இரண்டாம் பாகம் உறுதியாக உண்டு என்று இப்படத்தின் தயாரிப்பாளர் சமீபத்தில் ஒரு நிகழ்ச்சியில் கூறியிருந்தார்.
இந்நிலையில் ‘கைதி’ தற்போது ரஷ்ய மொழியில் டப்பிங் செய்யப்பட்டு மார்ச் 10ஆம் தேதி வெளியாகவுள்ளது. இப்படத்தின் ரஷ்ய ட்ரெய்லர் இணையத்தில் வெளியிடப்பட்டுள்ளது.