தென்கிழக்கு சீனாவில் குவான்ஸோ எனும் ஊர் உள்ளது. இது, பண்டைய சீனாவின் ஒரு பன்னாட்டு துறைமுக பட்டினம். இங்கு சீன நாட்டு தொல்லியல் ஆய்வாளர்களால் சமீபத்தில் திண்டுக்கல் மாவட்டம், பழநி பகுதியை சேர்ந்த சித்தர் ஒருவரின் கல்வெட்டு கண்டறியப்பட்டுள்ளது.
இந்த கல்வெட்டின் மேல் பகுதியில் தமிழிலும் கீழ் பகுதியில் சீன மொழியிலும் பொறிக்கப்பட்டுள்ளது.இது கிபி 13ம் நூற்றாண்டை சேர்ந்தது. இது தமிழகத்தை சேர்ந்த ஒரு சித்தர் அந்த கல்வெட்டை பொறித்துள்ளார்.
சீனாவை அடிமைப்படுத்திய மங்கோலிய பேரரசன் குப்ளாய்கான் முதுமை, நோயின் காரணமாக உடல்நல குறைவால் பாதிக்கபட்டு இருந்தார். இவரது ஆட்சியில் தமிழகத்தை சேர்ந்த சம்பந்தப்பெருமாள் எனும் சித்தர்,குப்ளாய்கான் உடல் நலம்பெற வேண்டி குவான்ஸோவில் ஒரு சிவன் கோயிலை எழுப்பி, அதற்கு மன்னரின் பெயரிலேயே ‘திருக்கானீசுரம்’ என்று பெயரிட்டுள்ளார். இது அங்குள்ள தமிழ், சீன மொழிகளில் கிபி 1281ம் ஆண்டு பொறிக்கப்பட்ட கல்வெட்டு மூலம் தெரிய வருகிறது. தற்போது கிடைத்துள்ள கல்வெட்டையும் சித்தர் சம்பந்தப்பெருமாளே அமைத்திருக்கலாம் என்று உறுதிபடுத்தும் விதமாக உள்ளது. கல்வெட்டில் மேல் பகுதியில் 3 வரி பாடல் வடிவில் தமிழ் எழுத்துக்கள் பொறிக்கப்பட்டுள்ளன. அதன் கீழ் பகுதியில் சீன மொழியில் துறவி ஒருவர் இக்கோயிலை கட்டி உள்ளார் என்று எழுதி இருப்பதாக குறிப்பிடப்படுகிறது. தமிழ் கல்வெட்டிற்கு கீழே பொறிக்கப்பட்டுள்ள சீன மொழி கல்வெட்டை பரிசோதித்த சீன தொல்லியாளர்கள், துறவி ஒருவர் இக்கோயிலை கட்டி உள்ளார் என்று எழுதி இருப்பதாக தெரிவித்துள்ளனர்.
சீனாவை குப்ளாய்கான் ஆண்டபோது, தமிழகத்தில் குலசேகர பாண்டியனின் ஆட்சி இருந்தது. சீன அரசுக்கும், பாண்டிய அரசுக்கும் மிக நல்ல நட்பும் இருந்தது. பாண்டிய நாட்டில், அதுவும் குறிப்பாக பழநி பகுதியை சேர்ந்த சித்தர் சம்பந்தபெருமாள் சீனா சென்று, அங்கு சிவன் கோயிலை, அந்த நாட்டின் அரசன் பெயரில் கட்டி, தமிழில் கல்வெட்டு கொடுத்துள்ளார் என்பது பெருமைக்குரியது. அதுமட்டுமல்லாமல் , பழநியை சேர்ந்த போகர் எனும் சித்தரும் சீனா சென்று ஆலயம் அமைத்து வழிபாடு நடத்தியதாக குறிப்புகள் பல உள்ளன.