தமிழ் வழியில் கல்வி பயிலும் மாணவர்களுக்காக, தமிழில் வேளாண் மற்றும் தோட்டக்கலை கல்வி அறிமுகப்படுத்தப்படும் என்று தமிழ்நாடு சட்டசபையில் வேளாண் பட்ஜெட்டை தாக்கலின் போது அமைச்சர் எம்.ஆர்.கே.பன்னீர்செல்வம் (14.08.2021) தெரிவித்துள்ளார்.
வேளாண் பட்ஜெட்டில் இதுகுறித்து குறிப்பிட்டுள்ள முக்கிய அம்சம்:
கிருஷ்ணகிரியில் தோட்டக்கலை கல்லூரி புதிதாக தொடங்குவதற்கு முதற்கட்ட நிதியாக ரூ.10 கோடி ஒதுக்கீடு.
தமிழ் வழியில் பயிலும் மாணவர்களின் வசதிக்காக தமிழில் வேளாண் மற்றும் தோட்டக்கலை கல்வி அறிமுகம்.
திருச்சி- நாகை மாவட்டத்திற்கு இடையேயான பகுதி வேளாண் தொழிற்சாலைகளுக்கான பெருந்தடமாக (Agro Industrial Corridor) அறிவிக்கப்படுகிறது.
இவ்வாறு கூறிய அமைச்சர், கடைசியாக, “வாழ்க தமிழகம், வளர்க வேளாண்மை” என்று கூறி வேளாண் நிதிநிலை அறிக்கை உரையை முடித்தார்.