ஈ பாக்ஸ் கல்லூரிகளின் ஸ்டார்ட்-அப் ஸ்டுடியோ “ஏரியல் பாட்ஸ் தொடக்க விழா ஆன்லைன் முறையில் நடைபெற்றது.
இந்த ஸ்டார்ட்அப் ஸ்டுடியோவைத் திறந்து வைத்த விண்வெளி தயாரிப்பு மற்றும் வணிக நிபுணர் – தொழில்துறை ஆலோசகர் அரவிந்த் பழனியப்பன் பேசுகையில், ஸ்டார்ட்அப் ஸ்டுடியோக்கள் தொழில்முனைவோராக மாறுவதற்கான நல்ல தளங்கள் என்று அவர் கூறினார். கடினமாக உழைப்பதை விட புத்திசாலித்தனமாக வேலை செய்யுமாறு மாணவர்களுக்கு அறிவுறுத்தினார்.
தொடக்க விழாவிற்கு தலைமை தாங்கிய ஆம்பிசாஃப்ட் டெக்னாலஜிஸ் முதன்மை கற்றல் அதிகாரி மற்றும் ஏரியல் பாட்ஸ் நிறுவனத்தின் தலைமை நிர்வாக அதிகாரி டாக்டர் பாலமுருகன் பேசுகையில், பறக்கக்கூடிய புத்திசாலித்தனமான வான்வழி போட்களை உருவாக்குவதன் முக்கியத்துவத்தை அவர் வலியுறுத்தினார். ட்ரோன்கள் உள்நாட்டிலேயே வடிவமைக்கப்பட்டு முழுமையாக தானியங்கி முறையில் இயங்கும் என்று அவர் மேலும் கூறினார். மேலும் வேளாண்மை மற்றும் பாதுகாப்பு ஆகியவற்றில் உள்ள பயன்பாடுகளைக் கண்டறியும் வான்வழி ரோபோக்களை உருவாக்குவதில் இந்த நிறுவனம் அதிக கவனம் செலுத்தும் என்று அவர் கூறினார்.
சமூகப் பிரச்சனைகளை அடையாளம் கண்டு அவற்றுக்கான தீர்வுகளை வழங்குவதன் முக்கியத்துவத்தை ஆம்பிசாஃப்ட் டெக்னாலஜிஸின் தலைமை கண்டுபிடிப்பு அதிகாரி டாக்டர் பிரதீப் குமார் பகிர்ந்து கொண்டார்.
சண்முகா பொறியியல் கல்லூரி முதல்வர் டாக்டர் ராதாகிருஷ்ணன் அனைவரையும் வரவேற்றார். இ-பாக்ஸ் கல்லூரிகளின் கதிர் பொறியியல் கல்லூரியின் முதல்வர் டாக்டர் உதயகுமார் ஸ்டார்ட்அப் ஸ்டுடியோவுக்கு இ பாக்ஸ் கல்லூரிகளைச் சேர்ந்த ஐந்து மாணவர்களை தேர்வு செய்து அறிவித்தார். இறுதியாக யுனைடெட் இன்ஸ்டிடியூட் ஆப் டெக்னாலஜி முதல்வர் டாக்டர் ராம்குமார் நன்றி கூறினார்.