இணையத் தொடர்பின்றி மின்னஞ்சல் பார்க்கும் வசதியை கூகுள் நிறுவனம் அறிமுகப்படுத்தியுள்ளது. இந்த அம்சத்தின் படி, பயனர்கள் இணையத் தொடர்பின்றி மின்னஞ்சல்களை படிக்கவும், பதிலளிக்கவும், தேடவும் முடியும்.
2021 ஆம் ஆண்டின் நிலவரப்படி உலகெங்கிலும் 1.8 பில்லியன் மக்கள் ஜிமெயில் சேவையை பயன்படுத்தி வருவதாக தகவல்கள் தெரிவிக்கின்றன. தற்போது, வாடிக்கையாளர்களின் சௌகரியம் கருதி ஆஃப்லைன் ஜிமெயில் சேவையை கூகுள் நிறுவனம் அறிமுகம் செய்துள்ளது.
இணைய வசதி இல்லாத கிராமப்புற பகுதிகள் மற்றும் தொலைதூரப் பகுதிகளுக்கு செல்லும்போது இந்த ஆஃப்லைன் சேவை உதவிகரமாக இருக்கும் என கூகுள் தெரிவிக்கிறது.
ஜிமெயில் ஆஃப்லைன் எவ்வாறு உபயோகிப்பது:
1. டிவைஸில் mail.google.com என்ற தளத்திற்கு செல்லவும்.
2. இன்பாக்ஸ்சில் செட்டிங்க்ஸ் சென்று கோக்வீல் பட்டனை (Cogwheel) அழுத்தவும்.
3. ஆல் செட்டிங்க்ஸ் பார்ப்பதற்கான பட்டனை கிளிக் செய்யவும்.
4. இந்தப் பக்கத்தில் ஆஃப்லைன் என்ற டேப் மீது கிளிக் செய்யவும்.
5. எனேபிள் ஆஃப்லைன் இன்பாக்ஸ் என்ற ஆப்ஷன் மீது கிளிக் செய்யவும்.
6. அதில் எத்தனை நாட்களுக்கான மெசேஜ்களை சின்கரனைஸ் செய்வது என்பதை தேர்வு செய்ய வேண்டும்.
7. ஆஃப்லைன் மின்னஞ்சல் சேவைக்கு கணினியில் எவ்வளவு இடம் பயன்படுத்தப்படும் எனும் விவரம் காட்டப்படும். கடைசி ஏழு நாள்கள் முதல் 90 நாள்கள் வரையிலான மின்னஞ்சல்களைச் சேமித்து வைக்க முடியும்.
8. ஆஃப்லைன் தரவுகளை வைத்திருக்க வேண்டுமா அல்லது அழிக்க வேண்டுமா எனத் தேர்வுசெய்தபின், ‘மாற்றங்களைச் சேமி (save changes)’ என்பதை கிளிக் செய்யவும். இப்போது கணினியில் ஆஃப்லைன் ஜிமெயில் வசதி செயல்பாட்டிற்கு வந்துவிடும்.