ஆழ்கடலில் காணப்படும் மீன் வகைகளில் ஒன்று, எந்த சிகிச்சையும் இல்லாமல் தனது பாலினத்தை மாற்றிக்கொள்கிறது.
கரீபியன் கடல் பகுதியில் காணப்படும் மீன் வகைகளில் ஒன்று ப்ளூஹெட் வ்ரேசஸ். இந்த கூட்டத்தில் உள்ள ஆண்மீனை அப்புறப்படுத்திவிட்டால் அடுத்த 10 நாட்களில் அங்குள்ள பெரிய பெண்மீன் ஒன்று ஆணாக பாலின மாற்றம் அடைவதுடன், அதன் நிறம், குணம் போன்றவற்றையும் மாற்றிக்கொள்கிறது.
இதை ஆய்வு செய்த விஞ்ஞானிகள், மின்சார பெட்டியில் இணைப்பை மாற்றுவதை போல வ்ரேசஸ் மீனில் பாலின மாற்றம் நிகழ்வதாக கண்டறிந்துள்ளனர். பெண் மீனுக்குள் இருக்கும் கருப்பையை இயக்கும் மரபணு செயல்பாடு முடக்கப்பட்டு ஆணுக்கான மரபணுக்கள் இயக்கப்படுவதாக இந்த ஆய்வறிக்கையில் தெரிவித்துள்ளனர்.